პრესრელიზი  

27 მაისი, 2011
დაუყოვნებელი გავრცელებისათვის

საკონტაქტო პირი:
ია გოგოლაძე
პიარ მენეჯერი
Tel/Fax: + (995 32) 24 27 77 (1407)
+ (995) 77 29 80 58
gogoladze_i@elitelectronics.ge
http://www.elitelectronics.ge/ 

 „ელიტ ელექტრონიქსი" ქსელის გაფართოვებას განაგრძობს

[PUBLICITY.GE] თბილისი,  27  მაისი , 2011 წელი - „ელიტ ელექტრონიქსის" ახალი მაღაზია 26 მაისს თელავში გაიხსნა. კომპანიის მენეჯმენტის ინფორმაციით, ახალი მაღაზია აღმაშენებლისა და ალაზნის გამზირის კვეთაზე, 200 კვადრატულ მეტრზეა განთავსებული და მასში 10-მდე ადგილობრივი მცხოვრებია დასაქმებული.

გახსნის დღეებში "ელიტ ელექტრონიქსი" მომხმარებლებს მსოფლიოს წამყვანი ბრენდის ტექნიკაზე სპეციალურ აქციას შესთავაზებს.

„ფასდაკლების აქცია საგანგებოდ მაღაზიის გახსნას დავუკავშირეთ. რამდენიმე დღის განმავლობაში ახალი მაღაზიის მომხმარებლებს შესაძლებლობა ექნებათ "BOSCH-ის, GORENJE-ს, TOSHIBA-ს, SAMSUNG-ისა და სხვა ცნობილი ბრენდების ტექნიკა დიდი ფასდაკლებით შეიძინონ. გარდა ამისა, "ელიტ ელექტრონიქსი" დამატებით ყველა მყიდველს სამახსოვრო საჩუქრებს გადასცემს". - აცხადებს კომპანიის  გაყიდვების დეპარტამენტის უფროსი ია ნადირაშვილი.

მისივე ინფორმაციით, „ელიტ ელექტრონიქსი" ქსელის გაფართოვებას გააგრძელებს და წლის ბოლომდე მაღაზიებს საქართველოს სხვა რეგიონებშიც გახსნის.